یاریگا –
لە دوای گەشتێكی درێژخایەن كە ماوەی 14 ساڵی خایاند، دواجار ریال مەدرید و كەریم بێنزێما لە یەك جیا بوونەوە.
لە ماوەی چەند رۆژی رابردوودا كەریم بێنزێما بە شێوەیەكی فەرمی ریزەكانی ریال مەدریدی جێهێشت، لە دوای كۆتاییهاتنی گرێبەستەكەی لەگەڵ یانە شاهانەكە.
چاوەڕوان دەكرێت كەریم بە گرێبەستێكی زەبەلاح و بۆ ماوەی سێ ساڵ پەیوەندی بە یانەی ئیتیحادی سعودییەوە بكات.
Karim Benzema’s contract at Al Ittihad will be valid until June 2025 with option for further season, as called yesterday — it’s already signed. Club statement, very soon. 🟡⚫️🇸🇦 #AlIttihad
Salary could reach €200m with some commercial deals included. pic.twitter.com/Po5f2IIbvI
— Fabrizio Romano (@FabrizioRomano) June 6, 2023
كەمێك پێش ئێستا ریال مەدرید ئاهەنگێكی رێكخست بۆ ماڵئاواییكردن لە كاپتنی یەكەمی یانەكەی، بە شێوەیەكی راستەوخۆ لە پلاتفۆرمەكانیانەوە ئاهەنگەكەیان گواستەوە.
🔴 𝙀𝙉 𝘿𝙄𝙍𝙀𝘾𝙏𝙊 | El acto institucional de homenaje y despedida de nuestro capitán @Benzema. #RealMadrid | #GraciasKarim https://t.co/le8H4OfMQq
— Real Madrid C.F. (@realmadrid) June 6, 2023
لێدوانی فلۆرینتینۆ پێرێز بۆ ماڵئاواییكردن لە كەریم بێنزێما:
– ئەمڕۆ رۆژێكی قورسە بۆ من، ئەو یادەوەریانەی لە ماوەی 14 ساڵی رابردوو ئەزموونم كردوون دێنەوە یادم.
– ماڵئاوایی دەكەین لە یەكێك لە سەرسوڕهێنەرترین یاریزانەكانی مێژووی یانەكەمان.
– كەریم تۆ نمونەیت بۆ هەمووان، تۆ پێشەنگیت و هەموو جیهان خۆشیان دەوێیت، هاندەران هەمیشە لەگەڵتدا دەبن.
– تۆ نازناوی چواردەیەمت پێشكەش كردین، تۆ سەركردە بوویت، هیچ كەس ناتوانێت وەرزی رابردوو لە بیر بكات، ئێستا تۆ خاوەنی تۆپی ئاڵتوونیت.
لێدوانی بێنزێما:
– سوپاس سەرۆك كە منت هێنایە ئێرە، هەرگیز لە بیری ناكەم، ریال مەدرید باشترینە، بەڵام ئێستا كاتی رۆیشتنە.
– ئەم وشانە جێگای داخە، هەمیشە دەمگووت لێرە واز لە یاریكردن دەهێنم، بەڵام هەموو كات شتەكان بەو جۆرە ناڕۆن كە ئێمە دەمانەوێت، تەماشای سەرجەم یارییەكانی ریال مەدرید دەكەم.
– ئەمڕۆ رۆژێكی ناخۆشه و جێهێشتنی ئەم یانەیە ئازارم دەدات.
– یەك، دوو،سێ …، هەلە مەدرید.
https://www.facebook.com/100044290096476/posts/pfbid02mxZ6kpd2KNyBVdundVbVPPwiZaWDPK5RexjFpk4iRYDiocK2Ein1gbaGXHGCA69Yl/?mibextid=cr9u03
کەریم بێنزێما، هێرشبەری ریال مەدرید بە یەکێک لە باشترین هێرشبەرانی مێژووی ریال مەدرید و هەڵبژاردەی فەرەنسا دادەندرێت ( لەم بابەتەدا ئامارەكانی كەریم لەگەڵ یانە شاهانەكە ببینە).
بێنزێما 648 یاری بۆ مەدرید کردووە و دووەم گۆڵکاری مێژوویی یانەکەیە بە تۆمارکردنی 354 گۆڵ، تەنیا کریستیانۆ رۆناڵدۆ گۆڵی لە بێنزێما زیاتر کردووە لەگەڵ مەدرید.
