لە نوێترین پێشهاتی کڕینەوەی یانەی مانچێستەریونایتد، جیم راتکلیف هەنگاوێک پێش شێخ جاسم بن حەمەدی قەتەڕ کەوتووە لە کڕینەوەی شەیتانە سوورەکان.
بەگوێرەی سکای سپۆرت، میرە قەتەڕییەکە چوار ئۆفەری دوای یەکی ناردووە و هەر جارە و بە بڕە پارەیەکی زیاتر بەڵام ئەو سوورە لەسەر ئەوەی کە تەواوی پشکەکان بکڕێتەوە و هیچ خاوەن پشکێکی بنەماڵەی گلەیزەر نەمێنێتەوە. لە بەرامبەردا سێر جیم راتکلیفی خاوەنی گروپی ئینیۆس بەوە رازی بووە کە دوو کەسایەتی بنەماڵەی گلەیزەر لە خاوەندارێتی یانەکەدا بمێننەوە.
سەرچاوەیەکی نزیک لە گفتوگۆکان بە سکای سپۆرتی راگەیاندووە، سەرەڕای ئەوەی هەفتەی پێشوو شێخ جاسم ٥ ملیار پاوەندی پێشکەشکردووە بەڵام ئێستا راتکلیف نزیکترە. ملیاردێرە بەریتانییەکە نزیکەی ٥ بۆ ٥.٥ ملیار پاوەند دەدات و بە مەرجی مانەوەی بەشێکی گلەیزەریش رازییە.
لەگەڵ ئەوەشدا، هێشتا دەرگای گفتوگۆ کراوەیە و پارە لە بن نەهاتووەکانی قەتەڕ رەنگە هاوکێشەکە بگۆڕن.
یونایتد لە ٢٠٠٥دا بەرامبەر بە ٨٠٠ ملیۆن پاوەند لەلایەن بنەماڵەی گلەیزەرەوە کڕدرایەوە و بەگوێترین راوێژکارە ئابوورییەکانیش بەهای راستەقینەی یانەکە ٣.١ ملیار پاوەندە. بەڵام ئەوە یەکلابووەتەوە کە هەردوولا ئامادەن سەروو پێنج ملیار بدەن، بەوەش فرۆشتنی یونایتد دەبێتە بەنرخترین فرۆشی یانەیەکی وەرزی لە مێژوودا.
