بە لێدوانێكی فەرمی باوكی مێسی وەڵامی دەنگۆكان دەداتەوە
یاریگا –
خۆرخی مێسی، باوكی ئەفسانەی تۆپی پێی ئەرجەنتینی و یانەی پاریس سان جێرمانی فەڕەنسی لیۆنێل مێسی بەیاننامەیەكی فەرمی بڵاوكردەوە و تێیدا باس لە دەنگۆكانی رێككەوتنی لەگەڵ هیلال دەكات.
لە بەیاننامەیەكی فەرمیدا باوكی مێسی رایگەیاند كە كوڕەكەی تا ئێستا نەگەیشووەتە رێككەوتن لەگەڵ هیچ یانەیەك بۆ ئەوەیلە داهاتوودا یارییان بۆ بكات.
باوك و بەڕێوەبەری كارەكانی مێسی خۆرخی مێسی لە ستۆری تایبەتی خۆی لە تۆڕی كۆمەڵایەتی ئینستاگرام رایگەیاند:
بەهیچ شێوەیەك هیچ رێككەوتنێك لە نێوان مێسی و هیچ یانەیەكدا نیە بۆ ئەوەیلە داهاتوودا یارییان بۆ بكات، مێسی هیچ بڕیارێك لەسەر داهاتووی نادات تا وەرزەكەی لەگەڵ پاریس سان جێرمان كۆتایی دێت، تا ئێستا هیچ شتێكی واژۆ نەكردووە، ئەو هەواڵانەی بڵاوكراونەتەوە هەمووی درۆیە و ئامانجیان ئەوەیە ناوی كوڕەكەم بەكاربهێنن.
گرێبەستەكەی باشترین یاریزانی مۆندیال لەگەڵ پاریس سان جێرمان لە هاوینی ئەمساڵدا بەسەردەچێت و تا ئێستا بڕیاری لەسەر داهاتووی خۆی نەداوە.
🚨🔴 Jorge Messi official statement.
“There’s absolutely NOTHING agreed with any club for next season. We will decide at the end of the season”.
“Nothing is signed, agreed or verbally agreed. Only fake news using Leo’s name”. pic.twitter.com/eJQOsBerGp
— Fabrizio Romano (@FabrizioRomano) May 9, 2023
مێسی لە هاوینی ساڵی 2021 پەیوەندی بە پاریسەوە کرد و ئەو کات گرێبەستێکی بۆ ماوەی دوو وەرز لەگەڵ یانەکە واژۆ کرد.
لیۆ لەگەڵ پاریس نازناوی خولی فەرەنسی و جامی سوپەری فەرەنسای بەدەستهێناوە. ئەستێرە ئەرجەنتینییەکە 71 یاری کردووە و 31 گۆڵی هەیە، هەروەها 34 گۆڵیشی دروستکردووە.
