یاریگا –
تێری هێنری، ئەستێرەی پێشووی هەڵبژاردەی فەڕەنسا و یانەكانی مۆناكۆ، ئارسیناڵ و بارسێلۆنا رەخنەی توند لە هەڵسوكەوتی لیۆنێل مێسی ئەفسانەی هەڵبژاردەی ئەرجەنتین و یانەی پاریس سان جێرمانی فەڕەنسی دەگرێت.
هەفتەی رابردوو هەفتەیەكی ئاڵۆز بوو بۆ پاریس سان جێرمان دوای ئەوەی بەرامبەر لۆریان بە سێ گۆڵ بەرامبەر گۆڵێك شكستیهێنا و پاشان لە رۆژی دواتر لیۆنێل مێسی بەشداری مەشق و راهێنانەكانی نەكرد و سەردانی سعودیەی كرد.
بەڵام هەر زوو مێسی لە هەژماری تایبەتی خۆی لە ئینستاگرام داوای لێ بووردنی لە یانەكەی كرد بۆ ئەو رووداوانەی روویدا و دووپاتیكردەوە كە ئامادەیە بۆ هەر شتێك كە یانەكەی بیكات بەرامبەری.
https://www.facebook.com/photo.php?fbid=821351936017802&set=a.479219743564358&type=3&mibextid=cr9u03
تێری هێنری رەخنەی لەو رەفتارەی مێسی گرت و ووتی: هیچ كەسێك ناتوانێت ئامادەی راهێنانەكان نەبێت، ئەو رەفتارە ئەڵقەكانی زنجیرەی دالاس ـم بیر دەخاتەوە، بەڵام هەمیشە هەمان كێشە لە پاریس روودەدات و ئەمجارەیان لەلایەن مێسیەوە بوو.
🥶 Thierry Henry : "C'est toujours les mêmes problèmes au PSG."
Notre consultant ne mâche pas ses mots suite à la suspension de Léo Messi par le club.#DSF pic.twitter.com/yNdhalx5vk
— Prime Video Sport France (@PVSportFR) May 7, 2023
سەبارەت بەسزاكەی پاریس بۆ مێسی ئەفسانەكەی پێشووی ئارسیناڵ ووتی: رەنگە لەبەر ئەوەی كە دەزانن نامێنێتەوە سزای بدەن یان ئەو شوێنەی كە بۆی رۆیشتووە كاریگەری لەسەر ناوبانگیان هەبووە.
لە كۆتایی قسەكانیدا هێنری ووتی: لە ئێستا شتانێكی خراپتر لەوە لە پاریس روودەدەن، بەڵام ئایا ئەمەی مێسی كردی راست بوو؟ بێگومان نەخێر، نابێت هیچ مەشقێك لەدەست بدەیت.
تێری هێنری و لیۆنێل مێسی بۆ ماوەی سێ ساڵ پێكەوە لە بارسێلۆنا یاریان كردووە.
پاریس بە كۆكردنەوەی 78 خاڵ لە پێشەنگی ریزبەندی خولی فەڕەنسی دێت پێش چوار هەفتە لە كۆتاییهاتنی خولەكە و بە جیاوازی شەش خاڵ لە پێش لانسی دووەمەوەیە.
