ئەڵۆنسۆ وەڵامی دەنگۆكانی وەرگرتنی پۆستی راهێنەرایەتی ریال مەدرید دەداتەوە

یاریگا –

چابی ئەڵۆنسۆ، راهێنەری ئیسپانی یانەی بایەر لیڤەركوزن وەڵامێكی یەكلاكەرەوەی دایەوە سەبارەت بەو دەنگۆیانەی باس لە وەرگرتنی پۆستی راهێنەرایەتیكردنی یانەی ریال مەدریدی ئیسپانی دەكەن.

لە چەند رۆژی رابردوودا رۆژنامەكان باسیان لەوە دەكرد كە چابی ئەلۆنسۆ دوای رۆیشتنی كارلۆ ئانچێلۆتی لە كۆتایی وەرز دەبێتە راهێنەری ریال مەدرید.

فابریزیۆ رۆمانۆ رۆژنامەنووسی ئیتاڵی و شارەزا لە بواری گواستنەوەی یاریزانان لە هەژماری تایبەتی خۆی لە تۆڕی كۆمەڵایەتی تویتەر چەند لێدوانێكی ئەڵۆنسۆی داناوە كە دەڵێت: ساڵانێكی زۆرە لە  ناو تۆپی پێدام، دەنگۆكان بەشێكی سرووشتین لەو یاریەدا، بەڵام هێشتا لەبەردەمماندا زۆر شت ماوە كە دەبێت بەدەستیبهێنین.

هەروەها بەردەوام بوو ووتی: ئەمە بیركردنەوەی من بووە لە چەند مانگی رابردوودا كە بە رێژەی %100 لێرە دەبم، هەروەها بیركردنەوەم ئەوەیە كە بە رێژەی %100 لێرە دەمێنمەوە لە وەرزی داهاتوودا.

لەم وەرزەدا لەژێر راهێنەرایەتی چابی ئەڵۆنسۆ لیڤەركوزن ئەنجامی باشی بەدەستهێناوە بە جۆرێل لە قۆناخی پێش كۆتایی یۆرۆپالیگدایە و لەو قۆناخەشدا رووبەڕووی رۆمای ئیتاڵی دەبێتەوە.

هەروەها لە بۆندسلیگاشدا بە كۆكردنەوەی 48 خاڵ لە ریزبەندی شەشەمی خولەكە دێت.