یاریگا–
جولیان لوپتیخی، راهێنەری ئیسپانی پێشووی یانەی ریال مەدریدی ئیسپانیا پاڵێوراوە بۆ پۆستی راهێنەرایەتی یانەی چێڵسی ئینگڵاند.
رۆژنامەی تایمزی بریتانی زانیاری دەستکەوتووە راهێنەری ئیسپانیا ماوەیەک پێش ئێستا گەشتی ئینگڵاندی کردووە لەگەڵ بەرپرسی چەند یانەیەک بۆ وەرگرتنی راهێنەرایەتی یانەکانیان گفتوگۆی کردووە، یەکێک لەو یانانەش چێڵسیە و چاوەڕێ دەکرێت وەرزی داهاتوو لە شوێنی ماوریزیۆ ساری ببێتە راهێنەری ئەم یانەیە.
لوپتیخی دوای دوور خستنەوەی لە راهێنەرایەتی ریال مەدرید، راهێنەرایەتی هیچ یانەیەکی نەکردووە و دەیەوێت وەرزی داهاتوو بگەڕێتەوە.
