لە دوای پێنج مانگ دەستبەسەركردن ڕۆناڵدینهۆ ئازاد كرا

یاریگا: ڕۆناڵدینهۆ، ئەستێرەی پێشووی هەڵبژاردەی سامبا دوای پێنج مانگ دەستگیركردنی بە تۆمەتی پاسپۆرتی ساختە ئازاد كرا.

لە دوای پێنج مانگ ژیانی لە نێو زینداندا، دواتر دادوەر بڕیاریدا بە هەڵگرتنی سزاكەی سەر ئەستێرەكەی پێشووی بەڕازیل و پێدانی بڕی 90 هەزار دۆلار غەرامە.

جادوگەرەكەی سامبا یەكێك لە ئەستێرەكانی تۆپی پێ دادەنرێت،لەگەڵ هەڵبژاردەكەی مۆندیالی 2002ی بردەوە ولە ساڵی 2003 تۆپی ئاڵتوونی بردەوە.