لیڤەرپوول – ریال مەدرید| فاینەڵێکی پێشەوەختەی چامپیۆنزلیگ

یاریگا
ئەمشەو لە یاریی چوونی قۆناغی شازدەی چامپیۆنزلیگ، لیڤەرپوول لە یاریگای ئانفێڵدی پێشوازی لە ریال مەدرید پاڵەوانی وەرزی رابردوو دەکات.

هەردوو یانە دوای نزیکەی ساڵێک جارێکی دیکە لە دیارترین پاڵەوانیەتی ئەوروپا رووبەڕووی یەکتری دەبنەوە، دوایینجار یاریی کۆتایی وەرزی رابردوو بوو یارییان لەگەڵ یەکتری کرد و شاهانەکان توانیان رکابەرەکەیان تووشی دۆڕان بکەن و ناسناوەکە ببەنەوە.

بۆ ئەم یارییە هەردوو یانە کۆمەڵێک یاریزانیان بەهۆی پێکان یاریی ناکەن، لە ریزەکانی یانەی لیڤەرپوول لویس دیاز، کۆناتێ، کالوین رامزی، ئالکانتارا و نونێز لەم یارییە بێ بەش دەبن.

لە ریزەکانی یانەی ریال مەدریدیش تۆنی کرووس و چوامینی بەهۆی نەخۆشی بەشداری ناکەن. هەروەها مێندی و ماریانۆ بەهۆی پێکان لە یارییەکە بێ بەش دەبن.

– لیڤەرپوول و ریال مەدرید لە مێژووی چامپیۆنزلیگ 9 یارییان بەرامبەر یەکتری کردووە، مێرنگی خاوەنی 5 بردنەوە و رێدزیش 3 بردنەوەی هەیە.
– کەریم بێنزێما گۆڵکاری فەرەنسی یانە ئیسپانیەکە بە تۆمار کردنی 4 گۆڵ، زۆرترین گۆڵی لە رووبەڕووبونەوەی هەردوو یانە کردووە.
– لیڤەرپوول لە 3 یاریی سەرەتای بەرامبەر ریال مەدرید براوە بووە، بەڵام ئەو یانەیە لەوەتەی ساڵی 2009 نەتوانیوە لە رکابەرەکەی بباتەوە و لە شەش یاریی 5 دۆڕان و 1 بەرامبەربونیان هەیە.
– ریال مەدرید لە دوایین سێ یاریی لە یاریگای ئانفێڵد، تەنها 1 یاریی دۆڕاندووە، لە دوو یاریی دیکە بردنەوەیەک و بەرامبەربونێکی هەیە و هیچ گۆڵیشیان لێنەکراوە.
– شاهانەکان لە دوایین لە دوایین 7 یاریی بەرامبەر یانە ئینگلیزیەکان لە یاریگای ئەوان، تەنها یەک یارییان بردووەتەوە، ئەویش بردنەوەکەی یاریی وەرزی رابردوو بەرامبەر چێڵسی بوو.