دۆرتموند ئامادەیە مۆکۆکۆ لە زستان دا بفرۆشێت

یاریگا-یانەی برۆسیا دۆرتموندی ئەڵمانی نرخی یۆسیفا مۆکۆکۆ دیاری دەکات و ئامادەیە دەستبەرداری ببێت.

ئەستێرە موسڵمانەکە تەمەنی تەنها ١٧ ساڵە و لەم وەرزەدا ئاستێکی بەرز نیشان دەدات بەڵام بەگوێرەی بیڵد دۆرتموند ئامادەیە تەنها بە ٢٦.٢ ملیۆن پاوەند دەستبەرداری ببێت، ئەمەش بە هۆکاری ئەوەی لە هاوینی داهاتوو ئەو یاریزانە گرێبەستەکەی بەسەردەچێت و تا ئێستا تازەی نەکردووەتەوە.

تا ئێستا هەریەک لە یانەکانی مانچێستەر یونایتد، لیڤەرپوول و بارسێلۆنا لە هەوڵدان بۆ ئەو یاریزانە، بەڵام هەمووان چاویان لەوەیە رازی بکەن گرێبەستەکەی تازە نەکاتەوە و هاوینی داهاتوو بێ بەرامبەر بیگوازنەوە.

مۆکۆکۆ لەم وەرزەدا ١٤ یاری ئەنجامدا خاوەنی شەش گۆڵ و شەش ئەسیستە.