پێشمەرگەی هەولێر خۆی نوێ دەکاتەوە
دوای ئەوەی وەرزی ڕابردوو لە خولی نایابی کوردستان یانەی پێشمەرگەی هەولێر نەیتوانی کێبڕکێی بە دەستهێنانی ناسناوەکە بکات، بۆ ئەم وەرزە یانەکە بە کۆمەڵێك گۆڕانکاریەوە و بە مەبەستی پاڵەوان بوون ئامادەکاریەکانی دەستپێکردووە.
بۆ ئەم وەرزە پێشمەرگەی هەولێر دەستبەرداری کۆمەڵێك یاریزانی خۆی بوو لە پێناو نوێکردنەوەی تیپەکەی، ( شێرزادمەحەمەد) وازی لە یاریکردن هێنا و هەریەك لە ( دلێر حاتەمی گۆڵپارێز و فەرهەنگ وریا ، مەحمودشاکر، نیعمەت عارف، داناعوسمان، هاوڕێ ئەنوەر) لەگەڵ یانەکە لێک جیابوونەوە.
یانەکەی پیرمام گرێبەستی لەگەڵ چەند یاریزانێکی تر واژۆ کردووە و کەسێ لەمانە پیشەگەرن، سەیف جەمیلی گۆڵپارێز جارێکی تر گەڕایەوە تیپەکە و هەریەک لە هێرشبەران ( سەجادحوسێن و ڕەحیم ئۆلابی)نێجیری بە فەرمی پەیوەندیان بە یانەکە کردووە، هەروەها پێشمەرگە گرێبەستی لەگەڵ هەریەك لە ( عەلی میرکە لە یانەی برایەتی و سەلام ئەحمەد لە یانەی ئاڕاڕات و هیدایەت لەتیف لە یانەی شەقڵاوە و دیلمان ڕۆکان لە یانەی نەورۆز) واژۆکردووە.
بە ڕاهێنەرایەتی ( سەمیربابۆ ) ماوەیەکە یانەکە دەستی بە ڕاهێنان و ئامادەکاری کردووە و سەرجەم یاریزان ەتازەکانیش پەیوەندیان بە مەشقەکانەوە کردووە.
