یاریگا–
ئێرلینگ هالاند، هێرشبەری نەرویجی یانەی بورووسیا دۆرتمۆندی ئەڵمانیا یەکێکە لە ئامانجەکانی هاوینی داهاتووی یانەی ریال مەدریدی ئیسپانیا، بەڵام ئەو یاریزانی مەرجی خۆی هەیە بۆ پەیوەندی کردن بەم یانەیە.
ڤیکتۆر مالۆ رۆژنامەنوسی فەرەنسی ئاشکرای دەکات، یەکێک لە نزیکەکانی یاریزانە نەرویجیەکەی زەردەواڵەکان گووتویەتی ئامادەیە پەیوەندی بە شاهانەکانەوە بکات، بەڵام چاوەڕێ چارەنوسی کلیان ئێمباپێ هێرشبەری فەرەنسی پاریس سانجێرمان دەکات و، ئەگەر بێتو ئەو یاریزانە پەیوەندی بەو یانەیەوە بکات، ئەوا ئامادەنیە لەگەڵ ئەو یاریزانە یاری بکات.
هالاند هاوینی ساڵی 2024گرێبەستەکەی لەگەڵ یانەکەی کۆتایی دێت، بەڵام لە ماوەی رابردوو چەندین سەرچاوە بڵاویان کردووەتەوە کە ئەو یاریزانە لەگەڵ کارگێری ریال مەدرید گەیشتووەتەوە رێکەوتن و هاوینی داهاتوو پەیوەندی بەم یانەیەوە دەکات.
