ئیتاڵیا
تودۆر: ڤلاهۆڤیچ یەکێکە لە باشترینەکانی جیهان
یاریگا-ئیگۆر تودۆر راهێنەری هێڵاس ڤیرۆنا پێی وایە دوشان ڤلاهۆڤیچی ئەستێرەی فیۆرەنتینا یەکێکە لە باشترینەکانی جیهان.
شەوی رابردوو فیۆرەنتینا و هێڵاس ١-١ بەرامبەربوون. راهێنەرەکە دوای ئەو یارییە وتی “دڵخۆشبووم بە ئاستی تیمەکەم و سەرەڕای چەند پێکانێک باش یاریمان کرد، ئەم تیمە توانای ئەوەیان هەیە زیاتریش پێشکەشبکەن. پێم وایە ئەمشەو ئێمە شایەنی بردنەوە بووین”.
کاتێک پرسیاری دوشانی لێکرا کە ژمارە پێوانەییەکەی رۆناڵدۆی یەکسانکردەوە بۆ زۆرترین گۆڵ لە ئیتاڵیا لە ساڵێکدا، وتی “ئەوەی دەیبینم یاریزانێکە کە هەموو تایبەتمەندییەکی تێدایە و یەکێکە لە باشترینەکانی جیهان. لە هەمووی گرنگتر ئەو هەمیشە برسییە بە گۆڵ”.
