یاریگا-کەمێک لەمەوبەر کۆبوونەوەی یانەکان و یەکێتی تۆپی پێی ئینگلتەرا کۆتایی هات لەسەر راگرتن یاخود بەردەوامبوونی خولەکە تاوەکو دوای پشووەکانی سەر ساڵ.
بۆچوونێکی بەهێز بوو بەهۆی بڵاوبوونەوەی ڤایرۆسی کۆرۆنا لە نێو یانەکاندا تا دوای سەری ساڵ یارییەکان رابگیرێن بەڵام پاش کۆبوونەوە، سەرجەمیان رازی بوون بەهەمان خشتەی ئێستا بەردەوام بێت و هەفتەی بۆکسینگ یش بکرێت.
رێککەوتنەکە بەو جۆرەیە، هەر یانەیەک ١٣ یاریزان و گۆڵپارێزێکی تەندروستی هەبێت ئەوا یارییەکە ئەنجام دەدێت و بە پێچەوانەوە دوادەخرێت بۆ کاتێکی تر.
ئەوەی کە دواخراوە، یارییەکانی قۆناغی سێ و چواری جامی ئینگلتەرایە بۆ ئەو یارییانەی بە بەرامبەربوون کۆتاییان هاتووە بۆ کاتێکی نادیار.
