یاریگا–
کارگێری یانەی بایرن میونشنی ئەڵمانیا دەیانەوێت ئەم هاوینە هێرشبەرێک بۆ ریزەکانیان بگوازنەوە و بۆ ئەم مەبەستەش کالوم هۆدسۆن هێرشبەری یانەی چێڵسی ئینگلیزی کردووەتە ئامانج.
کریستیان فاڵک لە رۆژنامەی بیڵدی ئەڵمانیا بڵاویکردەوە کە باڤارییەکان دەیانەوێت هێرشبەرەکەی بلوز بەشێوەی خواستن بۆ ریزەکانیان بگوازنەوە، بەڵام کارگێری بلوز تەنها بەمەرجی گواستنەوەی هەمیشەیی ئامادەیە دەستبەرداری ئەو هێرشبەرەی ببێت، بۆیە چاوەڕێ دەکرێت هەفتەکانی داهاتوو و پێش دەست پێکردنی جامی نەتەوەکانی ئەوروپا هەردوو یانە داهاتووی ئەو یاریزانە یەکلایی بکەنەوە.
بایرن میونشن وەرزی رابردووش هەوڵی گواستنەوەی کاتی هۆدسۆنی داوە، بەڵام ئەو کاتیش یانە لەندەنیەکە ئامادەنەبوو بە شێوەی خواستن دەستبەرداری بێت و ئەو یاریزانەش تاوەکو هاوینی ساڵی 2024 گرێبەستی لەگەڵ یانەکەی هەیە و ناتوانێت بەبێ رەزامەندی یانەکەی جێبێڵێت.