یاریگا–
لە خولی خانمانی پلە یەکی ئیسپانیا خانمانی بارسێلۆنا پێشوەختە ناسناوی ئەم وەرزەی یەکلایی کردەوە و بۆ دووەم وەرزی لەسەر یەک بووە پاڵەوان و خانمانی یانە چێلسیش لە ئینگڵاند بونە پاڵەوان.
خانمانی یانەی بارسێلۆنای ئیسپانیا لە گەڕی 26ـی لالیگا بونە میوانی تێنێریف و یارییەکەشیان بە گۆڵێکی بێ وەڵام بردەوە و هەشت گەڕ پێش کۆتایی هاتنی خولەکەش ناسناوەکەیان یەکلایی کردەوە و بۆ دووەم وەرزی لەسەر یەک و هەروەها شەشەمجار لە مێژوودا بونە پاڵەوانی لالیگای خانمان.
لە خولی نایابی خانمانی ئینگڵاندیش خانمانی چێڵسی لە دوایین یاری ئەم وەرزە بە پێنج گۆڵی بێ وەڵام لە خانمانی رێدینگیان بردەوە و بونە پاڵەوان.