تووڕەیی ئینگلیزەکان لە بڕیارێکی فیفا؛ ناوبژیوانە دڵخوازەکەی مێسی بۆ یارییەکەی ئەرجەنتین و ئینگڵتەرا دادەنرێت
تیۆرییەکانی پیلانگێڕی لە مۆندیال دەستپێدەکاتەوە
یاریگا –
دیاریکردنی ناوبژیوانی ئەمریکی، ئیسماعیل ئەلفاتی بۆ بەڕێوەبردنی یارییە چارەنووسسازەکەی قۆناخی پێشکۆتایی مۆندیال لە نێوان هەردوو هەڵبژاردەی ئەرجەنتین و ئینگلتەرا، بووەتە هۆی دروستبوونی کاردانەوەیەکی توند و بێوێنە لە ناوەندە میدیاییەکانی بەریتانیا.
رۆژنامە ئینگلیزییەکان گومانێکی زۆریان خستووەتە سەر ئەم بڕیارەی فیفا و پێیان وایە دیاریکردنی ئەم ناوبژیوانە لە بەرژەوەندیی لیۆنێل مێسی و تانگۆدایە.
میدیاکانی ئینگلتەرا بەتوندی رەخنە لەم بڕیارە دەگرن و بەئاشکرا باس لە بوونی لایەنگری دەکەن، دیارترین کاردانەوەکانیش بەم شێوەیەن؛
رۆژنامەی دەیلی مەیڵ – Daily Mail؛ لیۆنێل مێسی لە یاریی پێش کۆتاییدا ناوبژیوانی دڵخوازی خۆی بۆ دادەنرێت، سەرەڕای بوونی ئەو تیۆریانەی کە پێیان وایە یارییەکانی مۆندیال پێشوەختە رێکخراون و دەستکاری دەکرێن.
Argentina’s ‘rigged’ run to World Cup glory? ‘One-sided’ claims, ‘fixed’ turnarounds and Lionel Messi’s let-off… every incident sparking the wild conspiracies which have England fans in fear https://t.co/A8ffTyO7Vv
— Daily Mail Sport (@MailSport) July 14, 2026
رۆژنامەی سەن – The Sun؛ فیفا ئەو ناوبژیوانەی هەڵبژارد کە سەرپەرشتیی گرنگترین ساتەکانی ژیانی وەرزشیی لیۆنێل مێسی کردووە.
MARK HALSEY: England vs Argentina referee Ismail Elfath is inexperienced and lenient; I’m surprised he was picked
— The Sun Football ⚽ (@TheSunFootball) July 14, 2026
رۆژنامەی دەیلی میرەر Daily Mirror؛ ناوبژیوانەکە پشتڕاستکرایەوە و ئەرجەنتین رێک ئەوەی بەدەستهێنا کە دەیویست.
🚨 The FBI, local officials and the police have deemed England’s World Cup semi-final clash with Argentina the ‘highest risk’ game at the World Cup following a meetinghttps://t.co/ENlGytIKb9
— Mirror Football (@MirrorFootball) July 14, 2026
ئامارێک کە ئاگری گومانەکانی خۆشتر کردووە
ئەوەی زیاتر گومانەکانی هاندەران و میدیاکانی ئینگلتەرای قووڵتر کردووەتەوە و وەکوو رۆنێک بووە بۆ سەر ئاگری کێشەکە، ئامارەکانی مێسییە لەگەڵ ئەم ناوبژیوانە ئەمریکییە؛ بەپێی ئامارەکان، یانەی ئینتەر مەیامی لەژێر سەرکردایەتی لیۆنێل مێسیدا، سەرجەم ئەو یارییانەیان بردووەتەوە کە ئیسماعیل ئەلفاتی کاری ناوبژیوانی تێدا کردوون، لە نێوانیشیاندا یاریی کۆتایی جامێک هەیە کە مێسی تێیدا سەرکەوتنی بەدەستهێناوە.
ئەم زانیارییانە وایان کردووە کە یارییەکەی نێوان ئەرجەنتین و ئینگلتەرا پێش فیکەی دەستپێک، لە دەرەوەی یاریگا بچێتە قۆناخێکی ئاڵۆز و پڕ لە ڕەخنەوە.
