ئێستا بیگوازنەوە؛ هانزی فلیک داوایەکی بەپەلە لە بارسێلۆنا دەکات
سێ بژاردەی دەتنیشانکردووە..
یاریگا –
هانزی فلیک داوای لە بەرسێلۆنا کردووە لە مێرکاتۆی زستانە بەرگریکارێکی بۆ بگوازنەوە.
ئاندرێس کریستێنسن بەهۆی پێکانێکی سەخت بۆ ماوەی چوار مانگ دووردەکەوێتەوە، بارسێلۆنا ناچارە لە مێرکاتۆی زستانە شوێنگرەوەیەک بگوازێتەوە.
رۆژنامەی موندۆ دێپۆرتیڤۆ بڵاویکردووەتەوە، هانزی فلیک داوایکردووە بەرگریکارێکی دڵی بەرگری بۆ بگوازنەوە لە هەمان کاتدا بتوانێت لە باڵی چەپیش یاریی بکات و لەگەڵ سیستەمی تاکتیکی راهێنەرە ئەڵمانییەکە بگونجێت.
بەڵام دۆزینەوەی بەرگریکارێکی لەوشێوەیە سەختە، چونکە تێچووەکەی زۆر دەبێت و لەم کاتەشدا بەرگریکاری لەوشێوەیە لە بازاڕی گواستنەوەدا کەمن.
بەگوێرەی هەمان سەرچاوە، بارسێلۆنا هەڵسەنگاندن بۆ سێ بژاردە دەکات، ناتان ئاکێ بەرگریکاری مانچێستەر سیتی، دی ڤرێی بەرگریکاری ئینتەر میلان و ئۆتامێندی، بەرگریکاری بێنفیکا ئەو سێ بژاردەیەن بارسا دەیەوێت یەکێکیان بگوازێتەوە.
ئاکێ لەپێناو بەشداریکردن لە مۆندیال بڕیایداوە لەم زستانە مان سیتی جێبهێڵێت، دی ڤرێی بەهەمان شێوە بەدەست کەمی دەرفەتی یاریکردن دەناڵێنێت و بەدوای یانەیەکی نوێدا دەگەڕێت.
💥 𝐍𝐎𝐓𝐈𝐂𝐈𝐀 𝐌𝐃
🔵🔴 El Barça abre el abanico para tener más opciones de fichar
✍️ @martinezferran https://t.co/NqBODRZZNR
— Mundo Deportivo (@mundodeportivo) December 31, 2025
