فەنەرباچێ و وێستهام لەسەر گواستنەوەی یاریزانێک رێککەوتن

یاریگا –

وێستهام یونایتد و فەنەرباچێ لەسەر گواستنەوەی ئێدسن ئالڤارێز رێککەوتن.

فابریزیۆ رۆمانۆ، رۆژنامەنووسی دیاری مێرکاتۆ بڵاویکردووەتەوە، وێستهام و فەنەرباچێ لەسەر گواستنەوەی ئالڤارێز بەخواستن تاوەکو کۆتایی ئەم وەرزە رێککەوتن.

یاریزانی نێودەوڵەتی مەکسیکی ئەمڕۆ گەشتی ئیستانبوڵ دەکات و بەخواستن یاریی بۆ کەتیبەکەی جۆزێ مۆرینیۆ دەکات. بەگوێرەی رێککەوتنی نێوانیان، فەنەرباچێ دەتوانێت گرێبەستەکە بکاتە هەمیشەیی.

چەند رۆژێکە دەڤین ئۆزەک، بەڕێوەبەری وەرزشی فەنەرباچێ و بەرپرسانی وێستهام یونایتد لەسەر چۆنیەتی گرێبەستەکە رێککەوتوون و ئەمڕۆ ئالڤارێز بەڵێی بۆ ئۆفەرەکە کرد.

ئالڤارێز لە هاوینی ساڵی 2023 بەبڕی 38 ملیۆن یۆرۆ لە ئەیاکسەوە پەیوەندی بە وێستهام یونایتد کرد.

ئالڤارێز ریزەکانی وێستهام یونایتد جێدەهێڵێت