جگە لە ئارسیناڵ و مان یونایتد، یانەیەکی دیکەی ئەوروپا بۆ گواستنەوەی یۆکێرێش هاتە سەر هێڵ
یاریگا –
جگە لە ئارسیناڵ و مانچێستەر یونایتد، یوڤێنتوس بۆ گواستنەوەی یۆکێرێش هاتووەتە سەر هێڵ و دەیەوێت هێرشبەرە سویدییەکە لە سپۆرتینگ لیسبۆن بگوازێتەوە ریزەکانی.
رۆژنامەی کۆریێری دێلۆ سپۆرت ـی ئیتاڵی ئاشکرایکردووە، یوڤێنتوس بۆ گواستنەوەی ڤیتۆر یۆکێرێش هێرشبەری سپۆرتینگ لیسبۆن هاتووەتە سەر هێڵ و دەیەوێت بە فرۆشتنی چەند یاریزانێکی پارەی گواستنەوەی ئەو هێرشبەرە سویدییە دابین بکات.
🚨Ecco come la #Juve può pagare Gyokeres: svelata la strategia di Comolli https://t.co/rhzZvaYpts
— Corriere dello Sport (@CorSport) June 16, 2025
رۆژنامە ئیتاڵییەکە رایگەیاندووە، یۆڤی دەیەوێت بە فرۆشتنی ڤلاهۆڤیچ و دۆگلاس لویز تێچووی گرێبەستی یۆکێڕیش دابین بکات، کە ئارسیناڵ و مانچێستەر یونایتد لە سەرەتای ئەم هاوینەوە هەوڵی گواستنەوەی ئەو هێرشبەرە سویدییە دەدەن.
سپۆرتینگ لیسبۆن بە ئاشکرا رایگەیاندووە، بە کەمتر لە 70 ملیۆن یۆرۆ و 10 ملیۆن یۆرۆ پاداشتی گرێبەستەکەی، ئامادە نییە دەستبەرداری یۆکێرێش بێت.
یۆکێرێش ئێستا لە بۆرسەی یاریزانان بەهایەکەی 75 ملیۆن یۆرۆیە و لەم وەرزە لەگەڵ یانەکەی لە 51 یاری 53 گۆڵ و 13 ئەسیستی کردووە، شێشکۆ لە بۆرسەی یاریزانان بەهایەکەی 65 ملیۆن یۆرۆیە و لەم وەرزە لەگەڵ یانەکەی لە 45 یاری 21 گۆڵ و 6 ئەسیستی کردووە.
