یاریگا –
پێکهاتەی باشترینەکانی گەڕی رابردووی خولی ئەستێرەکانی عێڕاق ئاشکرا کرا و یاریزانی دهۆک و زاخۆی تێدایە.
لۆکاس تۆڕسی یاریزانی دڵی بەرگری دهۆک ناوی لە لیستی باشترین پێکهاتەی گەڕی رابردووی خولی ئەستێرەکانی عێڕاقە، لۆکاسی بەرازیلی توانی تاکە گۆڵی سەرکەوتن بەرامبەر تەڵەبە تۆمار بکات و هیوای دهۆک بۆ کێبڕکێی نازناوی ئەم وەرزەی خولەکە بگەڕێنێتەوە.
ناسڕ محەمەدۆ یاریزانی پیشەگەری یەمەنی زاخۆ ناوی لە پێکهاتەی باشترینەکانی گەڕی 33ـی خولی ئەستێرەکانی عێڕاقە، دوای تۆمارکردنی گۆڵێک بەرامبەر حدوود و نیشاندانی ئاستێکی بەرز، بۆ یەکەمجار یاریزانە یەمەنیەکەی زاخۆ ناوی لە پێکهاتەی باشترینەکانی گەڕ دەبینرێت.
بە هۆی شکستیان لە گەڕی رابردووی خولی ئەستێرەکانی عێڕاق، هیچ یاریزانێکی هەولێر و نەورۆز لە پێکهاتەی باشترینەکان نابینرێن.
پێکهاتەی باشترینەکانی گەڕی 33ـی خولی ئەستێرەکانی عێڕاق
