دەنگۆکانی مێرکاتۆ؛ شۆڕشی مانچێستەر سیتی بەردەوام و سعوودییەکان واز لە ڤینیسیۆس ناهێنن

یاریگا –

شۆڕشی مانچێستەر سیتی لە گواستنەوەی یاریزانان بەردەوامە و چاوی بڕیوەتە ئەستێرەیەکی یوڤێنتوس و یانەکانی سعوودیە واز لە ڤینیسیۆس جونیۆر ناهێنن…

مانچێستەر سیتی ئامادەکاری بۆ پێشکەشکردنی ئۆفەرێک بۆ گاوستنەوەی دۆگلاس لویز، یاریزانی یوڤێنتوس دەکات – ئاتلێتیک

یانەکانی سعوودیە واز لە ڤینیسیۆس جونیۆر ناهێنن و ئێستا هەموو هەوڵێک بۆ گواستنەوەی دەدرێت – ESPN

چێڵسی بڕی 40 ملیۆن پاوەندی وەکو بەهای دەستبەرداربوون لە تواناکانی تریڤۆ چالۆبا دەستنیشانکردووە – سەن

سێزارێ کاسادێی، یاریزانی 22 ساڵەی چێڵسی، خەریکە لەندەن جێدەهێڵێت و لازیۆ نزیکترینە – سکای سپۆرت ئیتاڵیا

ریال بێتیس یەک هەنگاو لە گواستنەوەی ئانتۆنی، یاریزانی مانچێستەر یونایتد نزیکە – فابریزیۆ رۆمانۆ

لەوانەیە ئێریک تێن هاخ، راهێنەری پێشووی مانچێستەر یونایتد، ببێتە شوێنگرەوەی نوری شاهین لە بۆڕووسیا دۆرتموند، ئەمەش ئەگەر دۆرتموند یاریی داهاتووی لە چامپیۆنزلیگ بەرامبەر بۆڵۆنیا بدۆڕێنێت – فلۆریان پلێتێنبێرگ

مانچێستەر یونایتد و چێڵسی رکابەری لەسەر بەدەستهێنانی واژۆی جەیمی گیتێنس، یاریزانی دۆرتموند دەکەن – فلۆریان پلێتێنبێرگ

ریال مەدرید ئامادەیە دوا هەوڵ بۆ گواستنەوەی ئاڵفۆنسۆ دەیڤز، بەرگریکاری بایرن میونشن بدات، هەرچەندە بەرگریکارە کەنەدییەکە لە نوێکردنەوەی گرێبەستەکەی نزیکە – ئاس

یوڤێنتوس گرنگی بە گواستنەوەی ڵۆید کێڵی، بەرگریکاری نیوکاسڵ یونایتد داوە – جیانلوکا دی مارزیۆ