سۆڵشایەر بووە راهێنەری یانەیەکی ئیستانبووڵ

یاریگا –

ئۆلێ گونار سۆڵشایەر، راهێنەری پێشووی مانچێستەر یونایتد بووە راهێنەری بێشیکتاش.

سۆڵشایەر، لەدوای جێهێشتنی مان یونایتد لە ساڵی 2021، هیچ پۆستێکی راهێنەرایەتی وەرنەگرتووە، لە دوای گفتوگۆییەکی درێژ، بەفەرمی ئەرکی راهێنەرایەتی یانەکەی ئیستانبووڵی وەرگرت و دەبێتە شوێنگرەوەی جیۆڤانی ڤان بڕۆنکهۆڕست.

سۆڵشایەر گرێبەستێکی تاوەکو هاوینی ساڵی 2026 لەگەڵ بێشیکتاش واژۆ کردووە، بژاردەی درێژکردنەوەی بۆ ساڵێکی دیکەش لە گرێبەستەکەدا هەیە.

بێشیکتاش لە بەیاننامەیەکدا نووسیویەتی

گرێبەستێکمان لەگەڵ ئۆلێ گونار سۆڵشایەر، بۆ راهێنەرایەتی و بەڕێوەبردنی تیمی یەکەمی بێشیکتاش واژۆ کردووە. بەخێرهاتنی دەکەین و بڕوایەکی تەواومان بە تواناکانییەتی.

ئێرلینگ مۆی، دەبێتە یاریدەدەر و ریچارد جۆن هارتیس، دەبێتە راهێنەری گۆڵپارێزان و لەگەڵ سۆڵشایەر کار دەکەن.