فەرمی: ئۆسکار گەڕایەوە بەڕازیل

ئۆسکار دۆس سانتۆس گەڕایەوە لانکەی یەکەمی و پەیوەندی بە ساو پاولۆوە کرد.

ئەستێرەکەی پێشووی بەڕازیل لە گەرمەی ووزە و ناوبانگ دا پەیوەندی بە خولی چینییەوە کرد و حەوت ساڵ لەو وڵاتە مایەوە، تاوەکو هەفتەی پێشوو لەگەڵ کۆتایی هاتنی گرێبەستەکەیدا  رایگەیاند چین جێدەهێڵێت.

ئۆسکار دەرچووی ئەکادیمیای ساو پاولۆ بوو  لە تەمەنی 17 ساڵیدا پەیوەندی بە تیمی یەکەمەوە کرد، پاشان روویکردە ئینتەرناسیۆنالی هەمان وڵات. ناوبانگی ئۆسکار لەگەڵ چێڵسی ئینگلیزی بوو کاتێک لە 2012دا چووە پریمەرلیگ و تاوەکو 2017 لەوێ مایەوە. سەرەنجام لە 33 ساڵیدا گەڕایەوە ساو پاولۆ. ناوبراو لە ماوەی مانەوەیدا لە چین زیاد لە 200 ملیۆن دۆلاری وەکو مووچە وەرگرتووە.