پێشمەرگەی سلێمانی هەنگاوێکی تر لە سەرووی ریزبەندی نزیک دەبێتەوە

یاریگا –

دوای سەرکەوتنی بەرامبەر نەفتی وەسەت، پێشمەرگەی سلێمانی هەنگاوێکی تر لە سەرووی ریزبەندی نزیک دەبێتەوە.

دووشەممە ( 7ـی دیسێمبەری 2024 ) لە گەڕی حەفتەمی خولی نایابی عێراق، پێشمەرگەی سلێمانی لە یاریگای فەرماندەیی میوانداری نەفتی وەسەتی کرد و یارییەکەشی بە ئەنجامی 2 _ 0 لێ بردەوە، گۆڵەکانی پێشمەرگە ئاریان جەوهەر خولەکی 33 و سالار حوسێن خولەکی 49 تۆماریان کرد، بەم سەرکەوتنە پێشمەرگە کۆی خاڵەکانی گەیاندە 13 خاڵ و هاتە ریزبەندی سێیەمی خولەکە.

غازی باکوور لە یاریگای خۆی دوو خاڵی گرنگی لە دەستدا و بە گۆڵێک لەگەڵ ئیتیساڵات بەرامبەر بوو، سێیەم یارییە غاز سەرکەوتنی بە دەستنەهێناوە، لە شەش یارییدا حەفت خاڵی هەیە و لە ریزبەندی 13ـەم دێت.

ناسڕیە لە یاریی لووتکەی ئەم هەفتەیە بەرامبەر غەڕاف 1 _ 0 شکستی هێنا و نەیتوانی لە سەرووی ریزبەند نزیک بێتەوە، ناسڕیە 10 خاڵی هەیە لە ریزبەندی حەفتەمە و غەڕافیش بەردەوامە لە سەرکردایەتی ریزبەندی و 17 خاڵی هەیە.

ریزبەندی یانەکانی خولی نایابی عێراق