یاریگا –
هەفتەی یەکەمی ئەم مانگە بوو بەشێوەیەکی فەرمی دادگای کاس بڕیاریدا سزای سڕکرانی پۆگبا لە چوار ساڵ بۆ 18 مانگ کەمبکاتەوە، بەوەش یاریزانە فەڕەنسییەکە هیوایەکی بۆ دروستبووەوە تا درێژە بە کاروانەکەی بداتەوە و مانگی مارسی ساڵی داهاتوو رێگەپێدانی دەبێ بۆ هەر یانەیەک یاریی بکات.
ماوەیەکە دەنگۆی جیاواز دەبیسترێت لەسەر وێستگەی داهاتووی ناوەڕاستکارەکە. یانەی مارسیلیای فەڕەنسیش بە بەهێزترین پاڵێوراو دەبینرێت بەگوێرەی دوایین زانیارییەکان.
بەڵام لە هەواڵێکی نوێی فووتمیرکاتۆی ئیتاڵیدا، زانیارییەکی سەیر بڵاوکراوەتەوە بەوەی یانەیەک لە پۆگبا چووەتەپێشەوە تەنانەت ناوی لە فیفادا نەناسێنراوە.
بەگوێرەی ئەو سەرچاوەیە، یانەی برۆک بۆیزی رووسی کە لە خولێکی هاکەزایی لەو وڵاتە یاریی دەکات، ئۆفەرێکیان پێشکەشی یاریزانە فەڕەنسیەکە کردووە تا یارییان بۆ بکات، بەڵام پۆڵ رەتیکردووەتەوە.
فووتمیرکاتۆ نووسیویەتی کە ئەو خولەی یانە رووسیەکە تێیدا بەشدارە، یاریزانەکانی تەنها بریتین لە کەسایەتیە دەرکەوتووەکانی میدیا و سۆشیاڵ و کەسایەتی جیاواز.
🚨 Paul Pogba received an offer from a club… not recognized by FIFA! 😅
The Frenchman got an offer from Broke Boys FC, a Russian club playing in the Media Football League, an unofficial league made up of influencers and celebrities. 🤯😂
The offer was rejected because he wants… pic.twitter.com/KANVjSnGUC
— Transfer News Live (@DeadlineDayLive) October 12, 2024
چیرۆکی یاریزانە تەمەن 31 ساڵانەکە دەگەڕێتەوە بۆ مانگی ئۆگەستی ساڵی رابردوو بە دیاریکراوی لە دوای یارییەکەی یوڤێنتوس و ئودینێزی کە خانمە پیرەکە بە سێ گۆڵی بێ وەڵام براوە بوون و، بەڵام دواتر بە گرتنەبەری ئەنجامدانی پشکنین بۆ پۆگبا، ئەنجامەکان لە مانگی ئۆکتۆبەر بە پۆزەتیڤ گەڕانەوە کە ماددەی وزەبەخشی بەکارهێناوە.
