باشترینەکانی وەرزی 2023/24ـی یۆرۆپالیگ دیاریکران
ئاتڵانتا و لیڤەرکوزن باڵادەستن

یاریگا –
کەمێک لەمەوبەر بە شێوەیەکی فەرمی باشترینەکانی وەرزی 2023/24ـی یۆرۆپالیگ دەستنیشانکران، ئاتڵانتا و لیڤەرکوزن پشکی شێریان بەرکەوتووە.
◉ هێرشبەری یانەی مارسیلیای فەڕەنسی، پیێر ئێمریک ئۆبامیانگ بە باشترین یاریزانی ئەم وەرزەی پاڵەوانێتییەکە دەستنیشانکرا.
ئۆبامیانگ لەم وەرزەی یۆرۆپالیگ بەشداری 13 یاری کرد، 10 گۆڵ و 3 ئەسیستی کرد. خەڵاتی گۆڵکاری پاڵەوانێتییەکەی بەدەستهێنا.
⚽️ 10 goals in Marseille's run to the semi-finals 👏
Aubameyang is the 2023/24 #UEL Player of the Season 🏅
— UEFA Europa League (@EuropaLeague) May 24, 2024
◉ هێرشبەری یانەی بایەر لیڤەرکوزنی ئەڵمانی، فلۆریان فیرتز بە باشترین یاریزانی لاوی ئەم وەرزەی پاڵەوانێتییەکە دەستنیشانکرا.
فلۆریان لەم وەرزەی یۆرۆپالیگ بەشداری 11 یاری کرد، 4 گۆڵ و 4 ئەسیستی کرد. پلەی دووەمی پاڵەوانێتییەکەیان بەدەستهێنا.
🥁 Presenting your Young Player of the Season…
Florian Wirtz 👏✨#UEL
— UEFA Europa League (@EuropaLeague) May 24, 2024
هەروەها باشترین پێکهاتەی ئەم وەرزەی پاڵەوانێتییەکە دیاریکراوە، 4 یاریزانی ئاتڵانتا، 4 یاریزانی بایەر لیڤەرکوزن، 2 یاریزانی رۆما و یاریزانێکی مارسیلیای تێدایە.
هێرشبەران؛ لووکمان (ئاتڵانتا)، ئۆبامیانگ (مارسیلیا)، فیرتز(بایەر لیڤەرکوزن).
ناوەڕاستکاران؛ فریمپۆنگ (بایەر لیڤەرکوزن)، کۆمپینیریس (ئاتڵانتا)، شاکا (بایەر لیڤەرکوزن)، روگێری (ئاتڵانتا).
بەرگریکاران؛ مانچینی (رۆما)، تا (بایەر لیڤەرکوزن)، خیمسیتی (ئاتڵانتا).
گۆڵپارێز سڤیلار (رۆما).
The 2023/24 Europa League Team of the Season, selected by UEFA's Technical Observer panel ✨#UEL
— UEFA Europa League (@EuropaLeague) May 24, 2024
چوارشەممەی رابردوو، ئاتڵانتای ئیتاڵی و بایەر لیڤەرکوزنی ئەڵمانی لە یاری کۆتایی پاڵەوانێتییەکە رووبەڕوو بوونەوە، یانە ئیتاڵییەکە بە هاتریکی ئادێمۆلا لووکمان 3-0 یارییەکەی بردەوە و بۆ یەکەمجار لە مێژوودا نازناوەکەی بەدەستهێنا.