هۆكاری نەمانی دەنگی شەوالی لە یارییەكەی پاریس و دۆرتمۆند
یاریگا –
خەلیل بەلوشی، بێژەری وەرزشی كەناڵی بی ئێن سپۆرت هۆكاری پچڕانی دەنگی عیسام شەوالی هاوكاری ئاشكرا كرد.
شەوی رابردوو پاریس سانجێرمان لە یاریگای پارك دۆ پرێنسی تایبەت بە خۆی میوانداری بۆرووسیا دۆرتمۆندی كرد و یارییەكەش بە ئەنجامی گۆڵێكی بێ وەڵام لە بەرژەوەندی یانەی میوان كۆتایی هات.
بەوەش بە هەردوو ئەنجامی هاتن و چوون دۆرتمۆند بە دوو گۆڵی بێ وەڵام لە پاریس سانجێرمانی بردەوە و خۆی گەیاندە یاری كۆتایی خولی یانە پاڵەوانەكانی ئەوروپا.
FINALE.
FINALE NUR MIT BORUSSIA DORTMUND!
⭐️ #PSGBVB 0:1 (0:2) #UCL ⭐️ pic.twitter.com/12NDnaeQJk
— Borussia Dortmund (@BVB) May 7, 2024
لە خولەكی 84ی یارییەكەدا دەنگی عیسام شەوالی بێژەری یارییەكە نەما و هەمووان تەنیا گوێبیستی هاواری هاندەرانی نێو یاریگای پارك دۆ پرێنس بوون، دواتر بێژەریكردنی یارییەكە بە دەنگی خەلیل بەلوشی گەڕایەوە.
خليل البلوشي :
هذا سبب انقطاع صوت عصام الشوالي! pic.twitter.com/nHCYWo191V
— ماجد الجهني (@MaajedTV) May 7, 2024
بەلوشی لە پارچە ڤیدیۆیەكدا كە لە هەژماری تایبەتی خۆی لە سناپچات بڵاویكردووەتەوە گوتی:
ئەوەی لە كۆتا خولەكەكانی یارییەكەدا روویدا، بەهۆی كەش و هەوای وڵاتی قەتەرەوە بوو كاریگەری لەسەر ئەو ئامێرانە هەبوو كە دەنگەكە دەگوازنەوە، ئەوەش بوویە هۆی نەمانی دەنگی عیسام شەوالی لە كۆتا خولەكەكانی یارییەكەدا.
بۆرووسیا دۆرتمۆند سێیەم جارە دەتوانن خۆیان بگەیەننە یاری كۆتایی چامپیۆنزلیگ.
پێشتر دوو جار گەیشتوونەتە یاری كۆتایی پاڵەوانییەتیەكە و جارێك نازناوەكەیان بەدەستهێناوە.
