یاریگا –
رۆدریگۆ گۆس، ئەستێرەی هەڵبژاردەی بەڕازیل و یانەی ریال مەدریدی ئیسپانی ریكۆردێكی نایابی ئەم وەرزەی لالیگای بە ناوی خۆیەوە كرد.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ڤالێنسیای كرد و یارییەكەشی بە ئەنجامێكی گەورە و بە پێنج گۆڵ بەرامبەر گۆڵێك لێ بردەوە، لە میانی یارییەكانی هەفتەی سیانزەی خولی ئیسپانیا.
گۆڵەكانی مەدرید لەلایەن دانی كارڤاخال لە خولەكی 3 و ڤینیسیۆس جونیۆر دوو گۆڵ لە خولەكەكانی 42,49 و رۆدریگۆ لە خولەكەكانی 50 و 84 تۆماریانكرد، تاكە گۆڵەكەی ڤالێنسیاش لە خولەكی 88 هۆگۆ دۆرۆ كردی.
1️⃣1️⃣ / 1️⃣1️⃣ pic.twitter.com/0xwZuEAvDg
— Real Madrid C.F. (@realmadrid) November 11, 2023
بەپێی زانیاریەكانی تۆڕی ئۆپتا كە تایبەتە بە ژمارە و ئامارەكان رۆدریگۆ یەكەم یاریزانە لەم وەرزەی لالیگادا بتوانێت لە یارییەكدا بەشداری چوار گۆڵ بكات.
رۆدریگۆ لە یاری بەرامبەر ڤالێنسیا توانی دوو گۆڵ بكات و دوو گۆڵیش بۆ ڤینیسیۆس جونیۆر درووست بكات.
4 – @RodrygoGoes 🇧🇷 is the first player to be involved in four goals in a single game in @LaLiga 2023/24 (two goals and two assists against Valencia tonight). Cyclone. pic.twitter.com/I4X9a47NIh
— OptaJose (@OptaJose) November 11, 2023
جیڕۆنا بە كۆكردنەوەی 34 خاڵ لە پێشەنگی خولی ئیسپانیایە و ریال مەدریدیش بە 32 خاڵ لە پلەی دووەم دێت.
