فۆدن وەڵامی رەخنەکانی گواردیۆلا دەداتەوە
یاریگا-فیڵ فۆدن یاریزانی لاوی یانەی مانچێستەر سیتی لێدوانەکانی پیپ گواردیۆلا رەتدەکاتەوە و دەڵێت ئەوە بۆچوونی خۆیەتی.
فۆدن وەرزی رابردوو بە یەکێک لە درەوشاوەترین یاریزانە لاوەکانی ستیزن و ئینگلتەرا ناودەبرا بەڵام لەم وەرزەدا بە کەمی یاری پێدەکرێت. گواردیۆلاش سەبارەت بەو باسە وتبووی “فۆدن کەسێکی شەرمنە لە خۆ سەلماندن و پێویستە وەک یاریزانەکانی دیکەمان هەوڵی زیاتر بدات و یەکلاکەرەوەبێت”.
فۆدن لە وەڵامدا وتی “ئەوە بۆچوونی خۆیەتی و من چۆنم وەها دەمێنمەوە، من خۆم دەزانم کە بەتەواوی ئامادەم بۆ یاریکردن و هەموو رۆژێکیش لە مەشقەکان ئەوەی نیشان دەدەم”.
فۆدن لە یاری ئینگلتەرای خوار ٢١ ساڵدا ئاستێکی بەرزی نیشاندا، بەڵام دووبارە تانەی لە گواردیۆلا دا و وتی “هیوادارم سەیری ئەو یارییەی کردبێت بەڵام پشووی وەرگرتووە و خەریکی گۆڵفە لەبری ئەوە”.
ناوبراو لەم وەرزەدا تەنها ١٠ خولەک بەشداری پێککراوە دوای تێپەڕبوونی چوار هەفتەی پریمەرلیگ.
