بایرن میونشن نرخی مانێ دیاریدەكات
یاریگا –
یانەی بایرن میونشنی ئەڵمانی نرخی سادیۆ مانێی سەنیگالی و هێرشبەری یانەكەی دیاریكرد.
وەرزی رابردوو مانێ بە بڕی 32 ملیۆن یۆرۆ لە لیڤەرپوولەوە پەیوەندی بە بایرن میونشنەوە كرد.
⭐ Gewinnt ein signiertes #FCBayern Home Trikot von Sadio #Mané! ⭐
ℹ️👉 https://t.co/C7FEG6vW5E#ServusMané #MiaSanMia
— FC Bayern München (@FCBayern) June 23, 2022
گرێبەستەكەی هێرشبەرە سەنیگالییەکە لەگەڵ یانە باڤارییەكە تا ساڵی 2025ە.
بایرن دەیەوێت لە گواستنەوەكانی هاوینەدا دەستبەرداری مانێ ببێت، دوای ئەوەی یاریزانەكە لە پلانەكانی تۆماس تۆخێلی راهێنەر چووەتە دەرەوە و وەرزی رابردوو ئاستێكی دڵخۆشكەری پێشكەش نەكرد.
بەپێی زانیارییەكانی تۆڕی سكای سپۆرتی ئەڵمانیا مانێ لە ناو بایرندا نەخوازراو بووە و نایانەوێت، سەرەڕای ئەوەی یاریزانەكە خواستی خۆی دەربڕیوە بۆ ئەوەی وەرزێكی دیكە بمێنێتەوە و بەرپرسان و هاندەران لە ئاستێ دڵنیا بكاتەوە.
سەرچاوەكە ئاماژەی بەوەشكردووە، بایرن میونشن نرخی مانێی لە 20 ملیۆنەوە بۆ 32 ملیۆن یۆرۆ لەگەڵ گۆڕانكاریەكان بەرزكردەوە و نایەوێت بە كەمتر لەو نرخە دەستبەرداری هێرشبەرەكەی ببێت.
ئەم بڕیارەی یانە ئەڵمانیەكەش لە كاتێكدا هات كە زیاتر لە یانەیەك هەوڵی بەدەستهێنانی تواناكانی یاریزانەكە دەدەن بەتایبەت یانە سعودیەكانی وەك نەسڕ و ئەهلی.
وەرزی رابردوو مانێ لەگەڵ بایرن بەشداری لە 38 یاریدا كرد و توانی 12 گۆڵ بكات و 6 گۆڵیش درووست بكات.
