ئینگلتەرا بووە پاڵەوانی جامی نەتەوەکانی ئەورووپای لاوان

یاریگا-هەڵبژاردەی ئینگلتەرا  بۆ یەکەمجار دوای ٤٠ ساڵ توانی ببێتە پاڵەوانی یۆرۆی خوار ٢١ ساڵ ، پاش شکستهێنان بە ئیسپانیا لە یاری کۆتایی بە گۆڵێکی بێ وەڵام.

هەرچەندە لە زۆربەی کاتەکاندا ئیسپانیا باشتر دەبینرا  بەڵام ئینگلتەرا لە کۆتا خولەکی نیوەی یەکەمدا بە گۆڵێکی کورتیس جۆنس پێشکەوت.

ئیسپانیا لە نیوەی دووهەم هەوڵی زۆریدا ئەنجامەکە یەکسانبکاتەوە و لە خولەکی ٩٦ ناوبژیوان لێدانێکی سزای بۆ ماتادۆر هەژمارکرد بەڵام جەیمس تافۆردی گۆڵپارێز توانی لێدانەکەی ئابێل رویز بگەڕێنێتەوە.

دواتر لە خولەکی ١٠ و ١١ی کاتی زیادکراوی نیوەی دووهەم،  ئەنتۆنیۆ بلانکۆی یاریزانی ریاڵ مەدرید و مۆرگان گیبز وایتی یاریزانی نۆتینگهام فۆرێست بە کارتی سوور کرانە دەرەوە لە هەردوولا بەڵام ئەنجامی یارییەکە گۆڕانکاری بەسەردا نەهێنا و ئینگلتەرا بەو تاکە گۆڵە جامەکەی بردەوە.