بریکارەکەی کیسێ هەموو دەنگۆکان رەتدەکاتەوە

یاریگا

ماوەیەکە دەنگۆیەک بڵاوبووەتەوە گوایە بارسێلۆنا رێگە بە فرانک کیسێ ناوەڕاستکاری یانەکەی دەکات یانەکەیان جێبێڵێت و ئەو یاریزانەش بیر لە یانەیەکی دیکە دەکاتەوە، بەڵام بەڕێوەبەری کارەکانی هەموو دەنگۆکان رەتدەکاتەوە.

فابریزیۆ رۆمانۆ رۆژنامەنوسی ئیتاڵی کەمێک لەمەوبەر بڵاویکردەوە، بەرێوەبەری کارەکانی ناوەڕاستکارەکەی بلاوگرانا هەموو ئەو دەنگۆیانەی سەبارەت بە جێهێشتنی بارسا لەلایەن یاریزانەکەوە رەتدەکاتەوە.

رۆمانۆ ئاماژی بەوەشکردووە کیسێ بەهیچ شێوەیەک بیر لە جێهێشتنی ریزەکانی بارسێلۆنا ناکاتەوە و دەیەوێت لەگەڵ یانەکەی بەردەوام بێت تاوەکو کۆتایی گرێبەستەکەی. لە کاتێکدا دەنگۆیەک هەبوو ئەو یاریزانە بگەرێتەوە ئیتاڵیا.

کیسێ هاوینی رابردوو بێ بەرامبەر پەیوەندی بارسێلۆنا کردووە و تاوەکو هاوینی ساڵی 2026 گرێبەستی لەگەڵ ئەو یانەیە هەیە.