ئینتەر میلان ئەستێرەیەكی بایرن میونشنی دەوێت
یاریگا –
راپۆرتە رۆژنامەوانیەكانی ئیتاڵیا ئاشكرایانكرد یانەی ئینتەر میلانی ئیتاڵی دەیەوێت لە گواستنەوەكانی هاوینی داهاتوودا تواناكانی بینیامین پاڤارد ئەستێرەی یانەی بایرن میونشنی ئەڵمانی بگوازێتەوە یانەكەی.
بەپێی زانیاریەكانی تۆتۆ مێركاتۆ ئینتەر میلان چاودێری بارودۆخی پاڤارد دەكات و دەیەوێت لە هاویندا بیگوازێتەوە ریزەكانی یانەكەی.
گرێبەستەكەی پاڤارد لەگەڵ بایرن میونشن لە هاوینی ساڵی 2024 بەسەردەچێت.
حەسەن ساڵح حەمیدیچ، بەڕێوەبەری وەرزشی بایرن میونشن دووپاتیكردەوە كە یانەكەی لە ماوەی داهاتوودا گفتوگۆكان لەگەڵ پاڤارد دەست پێدەكات بە مەبەستی نوێكردنەوەی گرێبەستەكەی و ئەوەشی ئاشكرا كرد كە دڵخۆشن بە هەبوونی لە یانەكەیاندا.
جێگای سەرنجە لە ماوەی رابردوودا بنیامین پاڤارد رایگەیاند، خواستی هەیە بۆ ئەوەی ئەزموونێكی نوێ لە دەرەوەی بایرن میونشن تاقی بكاتەوە.
لەم وەرزەدا پاڤارد لەگەڵ بایرن لە بۆندسلیگا بەشداری لە 26یاری كردووە و چوار گۆڵی تۆمار كردووە و گۆڵێكیشی درووست كردووە.
