بارسێلۆنا گرێبەستی یامال نوێدەکاتەوە

یاریگا

بەرپرسانی یانەی بارسێلۆنای ئیسپانیا بە داهاتووی لامینێ یامال یاریزانی لاوی یانەکەیانن گەشبینن و دەیانەوێت گرێبەستەکەی نوێ بکەنەوە.

فابریزیۆ رۆمانۆ رۆژنامەنوسی ئیتاڵی بڵاویکردەوە، بەهۆی ئاستە باشەکەی لە یاریی رابردووی یانەکەی بەرامبەر ریال بێتیس، کارگێری بلاوگرانا بڕیاریداوە گرێبەستی یاریزانە 15 ساڵانەکەی بۆ ماوەی دوو وەرزی دیکە نوێ بکاتەوە.

یامال هەرچەندە تەمەنی نەگەیشتووەتە رێژەیی یاسایی، بەڵام ئەو یاریزانە تاوەکو ساڵی 2024 گرێبەستی لەگەڵ تیپی خوار 19 ساڵانی یانەکەی هەیە و لەگەڵ نوێکردنەوەی گرێبەستەکەی، تاوەکو ساڵی 2025 لەگەڵ یانەکەی بەردەوام دەبێت.