دوو یاریزانی بایرن میونشن بەهۆی پێکان یاریی ناکەن

یاریگا

توماس توخێل، راهێنەری یانەی بایرن میونشن پشت راستی کردەوە ئۆپامێکانۆ و چۆپۆ مۆتینگ هەردوو یاریزانی یانەکەی بەشداری یاریی داهاتوو ناکەن.

بایرن میونشن لە گەڕی 30 خولی ئەڵمانیا لە یاریگای خۆی رووبەڕووی هێرتا بەرلین دەبێتەوە. پێش یارییەکە راهێنەری یانەکەی دوور کەوتنەوەی هەردوو یاریزانی یانەکەی بەهۆی پێکان بۆ ئەم یارییە پشت راستکردەوە.

راهێنەرەکەی باڤارییەکان هەروەها ئاماژەی بەوەش کردووە کینگسلی کومان و گۆرتێسکا ئەوانیش بەشداری دوایین یەکەی راهێنانیان نەکردووە، بەڵام جارەنوسیان بۆ یارییەکە یەکلایی نەبووەتەوە.

بایرن میونشن پێش یاریی ئەم هەفتەیە لە کۆی 29 یاریی خاوەنی 59 خاڵە و بە جیاوازی خالێک لە دوای بورووسیا دۆرتمۆندی پێشەنگی بۆندزلیگا دێت.