ڤینیسیۆس گاڵتە بە لالیگا دەكات
یاریگا –
ڤینیسیۆس جۆنیۆر، ئەستێرەی یانەی ریال مەدریدی ئیسپانی گاڵتە بە ناوبژیوانانی لالیگا دەكات دوای وەرگرتنی كارتی زەرد بەرامبەر جیرۆنا.
شەوی رابردوو جیرۆنا لە یاریگای خۆیدا میوانداری ریال مەدریدی كرد و یارییەكەشی بەئەنجامی چوار گۆڵ بەرامبەر دوو گۆڵ، لە میانی یارییەكانی هەفتەی 31ی خولی ئیسپانیا.
كاستێیانۆس هێرشبەری جیرۆنا توانی سوپەر هاتریك تۆمار بكات و گۆڵەكانی مێرینگیش لەلایەن ڤینیسیۆس و ڤاسكێز تۆمار كران.
لە دوای یاریەكە ڤینیسیۆس تویتێكی مۆندۆ دی بۆلا ـی داناوەتەوە كە نوسیویانە:
ڤینیسیۆس جۆنیۆر لەسەر زەوی پاڵكەوتبوو، كاتێك یاریزانی جیرۆنا تۆپەكەی بە ئەنقەست لێدا، دوای ئەوە ڤینی گلەی كرد كارتێكی وەرگرت و یاریزانی بەرامبەر هیچی پێ نەوترا.
دواتر ڤینی بە گاڵتەپێكردنەوە لە سەری نوسیویەتی ” لالیگا ”.
😅 Laliga 😅 https://t.co/yS5RFIAQtd
— Vini Jr. (@vinijr) April 25, 2023
مەدرید بە كۆكردنەوەی 65 خاڵ لە ریزبەندی دووەمی لالیگا دێت و بە جیاوازی 11 خاڵ لە دوای بارسێلۆنای پێشەنگەوەیە.
