یاریگا –
راپۆرتە رۆژنامەوانیەكانی ئیسپانیا ئاشكرایانكرد یانەی بارسێلۆنای ئیسپانی چاوی لە تواناكانی یانیك كاراسكۆی بەلجیكی و ئەستێرەی یانەی ئاتلێتیكۆ مەدریدی ئیسپانیە.
گرێبەستەكەی كاراسكۆ لەگەڵ ئاتلێتیكۆ مەدرید لە هاوینی ساڵی 2024 بەسەردەچێت.
چاڤی هێرناندێزی راهێنەری یانە كەتەلۆنییەكە دەیەوێت باڵی چەپی هێرشبەری بەهێز بكات و بۆ ئەو مەبەستەش چاوی لە تواناكانی هێرشبەرەكەی رۆخی بلانكۆسە.
بەپێی زانیاریەكانی رۆژنامەی سپۆرت بارسێلۆنا دەیەوێت تواناكانی كاراسكۆ لە هاوینی داهاتوودا بەدەستبهێنێت.
هەمان سەرچاوە ئاشكرایكردووە كە بارسێلۆنا بەهۆی قەیرانی داراییەوە ناتوانێت گرێبەستی گەورە واژۆ بكات و بۆیە دەیەوێت بەو گرێبەستە بچوكانە ریزەكانی یانەكەی پتەوتر بكات.
لای خۆیەوە ئەشرەف بن عەیاد ئاشكرایكرد بارسێلۆنا دەیەوێت ئاڵوگۆڕێك بكات لەگەڵ ئاتلێتیكۆ مەدرید بە گۆڕینەوەی فێران تۆرێس بە یانیك كاراسكۆ.
برشلونة يريد عملية تبادل مع أتليتيكو : فيران – كاراسكو EL FCB QUIERE UN INTERCAMBIO CON EL ATLÉTICO: FERRAN – CARRASCO pic.twitter.com/duanBpHrdd
— Achraf Ben Ayad (@Benayadachraf) April 25, 2023
لەم وەرزەدا كاراسكۆ بەشداری لە 29 یاریدا كردووە و سێ گۆڵی تۆماركردووە و دوو گۆڵیشی درووست كردووە.
