ئەیسی میلان گەیشتە پێشکۆتایی چامپیۆنزلیگ

یارئگا

یانەی ئەیسی میلان یاریی هاتنەوەی قۆناغی چارەکۆ کۆتاییشی بەرامبەر ناپۆلی خۆی بەدەستەوە نەداو گەیشتە قۆناغی پێشکۆتاییچامپیۆنزلیگ.

رۆسێنەری دوای ئەوەی لە یاریی چوونی قۆناغی چارەکی کۆتایی لە یاریگای خۆی بە ئەنجامی 1-0 لە ناپۆلی بردەوە، لە یاریی گەڕانەوە لەیاریگای بەرامبەر بە ئەنجامی 1-1 یەکسانبوو و گەیشتە قۆناغی پێشکۆتایی.

نیوەی یەکەم لە خولەکی 43 ئۆلیڤەر جیرۆد هێرشبەری فەرەنسی گۆڵی یەکەمی بۆ میلان کرد. پاشان لە خولەکی 93 ئۆسیمین گۆڵیبەرامبەربوونی بۆ ناپۆلی کرد، بەڵام ئەم گۆڵە هیچ سوودی بۆ یانەکەی نەبوو.

ئەیسی میلان بە ئەنجامی هەردوو یاریی چوون و گەڕانەوە، توانی بە ئەنجامی 2-1 لە ناپۆلی بباتەوە و خۆی گەیاندە قۆناغی پێشکۆتایی ولەم قۆناغەش چاوەڕێ براوەی نێوان ئینتەر میلان و بێنفیکا دەکات.