یاریگا –
محەمەد سەڵاح، ئەستێرەی هەڵبژاردەی میسڕ و یانەی لیڤەرپوولی ئینگلیزی ریكۆردێكی دیكەی پرێمەرلیگی كرد بە ناوی خۆیەوە.
شەوی رابردوو لیدز یونایتد لە یاریگای خۆیدا میوانداری لیڤەرپوولی كرد و یاریەكەش بە ئەنجامی شەش گۆڵ بەرامبەر گۆڵێك لە بەرژەوەندی یانەی میوان كۆتایی هات ، لە میانی یارییەكانی هەفتەی 31ی خولی ئینگلیزیدا.
گۆڵەكانی رێدز لەلایەن محەمەد سەڵاح دوو گۆڵ ، دیێگۆ جۆتا دوو گۆڵ ، كۆدی گاكپۆ و داروین نونێز تۆمار كران.
هەژماری فەرمی پرێمەرلیگ لە رێگەی تۆڕی كۆمەڵایەتی توویتەرەوە رایگەیاند محەمەد سەڵاح بوو بە یەكەم یاریزان زۆرترین گۆڵ بە قاچی چەپ بكات بە 107 گۆڵ و بەوەش ژمارەكەی پێشووی رۆبی فاولەری شكاند كە خاوەنی 105 گۆڵ بوو.
The most left-footed goals in #PL history!
🪄 @MoSalah 🪄 pic.twitter.com/Cgu1mV9ZEf
— Premier League (@premierleague) April 17, 2023
لە ریزبەندی سێیەم ڤان پێرسی دێت كە خاوەنی 94 گۆڵە و پاشان رایان گیگز كە خاوەنی 83 گۆڵە و لە ریزبەندی پێنجەمیش ریاز مەحرەز دێت بە 65 گۆڵ.
بەو بردنەوەیە لیڤەرپوول كۆی خالەكانی بۆ 47 خاڵ بەرزكردەوە و لە ریزبەندی هەشتەمی پرێمەرلیگ دێت و بە جیاوازی 27 خاڵ لە دوای ئارسیناڵی پێشەنگەوە دێت.
