یاریگا –
ئیدێر میلیتاو، بەرگریکاری ریال مەدرید دەڵێت، دەبمە باشترین بەرگریکاری جیهان.
میلیتاو ئەمشەو سەرکردایەتی هێڵی بەرگری ریال مەدرید دەکات، لە یاری گەڕانەوەی قۆناخی هەشتی چامپیۆنزلیگ. میلیتاو لە پرێس کۆنفرانسی بەر لەیارییەکە روونیکردەوە
هەموو کەسێک رایەکی تایبەتی هەیە، بەڵام پێم وایە ئێستا لە رێگەم بۆ ئەوەی ببمە باشترین بەرگریکاری جیهان. کاتێک گەیشتە ریال مەدرید، کاتەکە هەستیاربوو، چونکە یاریزانی زۆر باشی تێدابوو، بەڵام ئێستا زۆر خۆم ماندوو دەکەم.
میلیتاو لە هاوینی ساڵی 2019 لە پۆرتۆوە بە بڕی 50 ملیۆن یۆرۆ پەیوەندی بە ریال مەدرید کرد.
بەرگریکاری نێودەوڵەتی بەرازیلی لەم وەرزەدا بەشداری لە 40 یاریدا کردووە. شەش گۆڵی کردووە کە چواریان لە لالیگا بوون.
میلیتاو لەوەتەی پەیوەندی کردنی بە یانە شاهانەکەوە، 131 یاری کردووە و 10 گۆڵی کردووە و چوار ئەسیستیشی هەیە.
