یاریگا –
محەمەد سەڵاح، ئەستێرەی یانەی لیڤەرپوولی ئینگلیزی ئامانجی ئەوەیە ژمارەیەكی پێوانەیی نوێ تۆمار بكات.
وا بڕیارە ئەمڕۆ دووشەممە كاتژمێر 22:00 بە كاتی كوردستان لیدز لە یاریگای خۆیدا میوانداری لیڤەرپوول بكات، لە میانی یارییەكانی هەفتەی 31ی خولی ئینگلیزیدا.
رێدز بە كۆكردنەوەی 44 خاڵ لە ریزبەندی هەشتەمی پرێمەرلیگ دێت و لیدزیش بە 29 خاڵ لە پلەی شانزەیەمە.
بەپێی ماڵپەڕی فەرمی لیڤەرپوول سەڵاح پێوویستی بە گۆڵێكە بۆ ئەوەی ببێتە گۆڵكاری یانەكەی بەرامبەر لیدز یونایتد لە پرێمەرلیگدا.
لە ئێستادا سەڵاح و فاولەر هەریەكەیان خاوەنی حەوت گۆڵە بەرامبەر لیدز لە خولی ئینگلیزیدا.
هەندرسۆن خاوەنی زۆرترین گۆڵە بەرامبەر لیدز بە 9 گۆڵ بەڵام لە سەرجەم پاڵەوانیەتیەكاندا.
لەم دواییانەدا سەڵاح توانی ریكۆردەكەی رۆبی فاولەر بشكێنێت و ببێت بە گۆڵكاری مێژووی رێدز لە پرێمەرلیگ.
