ساکا داوای لێبوردن دەکات

یاریگا

بوکایۆ ساکا، هێرشبەری یانەی ئارسیناڵ دوای لەدەستدانی لێدانی سزا بەرامبەر وێستهام یونایتد داوای لێبوردنی لە هاندەرانی یانەکەی کرد.

هێرشبەرەکەی گەنەرز لە یاریی هەفتەی 31ـی پرێمەرلیگ لە یاریی بەرامبەر وێستهام یونایتد لە خولەکی 52 لێدانی سزای گۆڵ نەکرد، هەر ئەمەش بووە هۆی ئەوەی یانەکەی دوو خاڵی گرنگی یارییەکە لەدەست بدات.

دوای یارییەکە ساکا لە هەژمارەی فەرمی خۆی لە تۆڕی کۆمەڵایەتی ئینستاگرام پەیامێکی بڵاوکردەوە و بەهۆی لەدەستدانی لێدانی سزاکە، داوای لێبوردنی لە هاندەرانی یانەکەی کرد.

بەبێ گوێدانە دەرئەنجامەکەی، هەمیشە بەرپرسیارێتی دەگرمە ئەستۆ. ببورە گەنەرز، هەموو شتێک دەکەم بۆ ئەوەی قەرەبووی بکەمەوە

ئارسیناڵ لەکاتێکدا لەم گەڕەی پرێمەرلیگ بەرامبەر وێستهام یونایتد دوو خاڵی لەدەستدا، هەفتەی داهاتوو دەبێتە میوانی مانچێستەر سیتی دووەمی ریزبەندی.