یاریگا –
لیۆنێل مێسی، ئەفسانەی تۆپی پێی ئەرجەنتینی و یانەی پاریس سان جێرمانی فەڕەنسی ژمارەیەكی كریستیانۆ رۆناڵدۆی پۆرتوگالی و ئەستێرەی یانەی نەسڕی سعودی یەكسان كردەوە.
شەوی رابردوو پاریس سان جێرمان لە یاریگای خۆیدا میوانداری لانسی كرد و یاریەكەشی بە ئەنجامی سێ گۆڵ بەرامبەر گۆڵێك لێ بردەوە، لە میانی یارییەكانی هەفتەی 31ی خولی فەڕەنسیدا.
گۆڵەكانی پاریس لەلایەن كیلیان ئێمباپێ لە خولەكی 31 و ڤیتینیا لە خولەكی 37 و لیۆنێل مێسی لە خولەكی 40 تۆمار كران و تاكە گۆڵەكەی لانس لەلایەن فرانكۆڤسكی لە خولەكی 60 تۆمار كرا.
بەو بردنەوەیە پاریس كۆی خاڵەكانی بۆ 72 خاڵ بەرزكردەوە و لە پێشەنگی ریزبەندیەكە دێت و لانس بە كۆكردنەوەی 63 خاڵ لە پلەی دووەم دێت.
گۆڵەكەی مێسی گۆڵی ژمارە 495 ـی بوو لە پێنج خولە بەهێزەكەی ئەوروپادا و ژمارەكەی كریستیانۆ رۆناڵدۆی یەكسان كردەوە وەك گۆڵكاری مێژووی خولە بەهێزەكانی ئەوروپا.
Most league goals scored in the history of Europe's top five divisions:
◉ 495 – Lionel Messi
◉ 495 – Cristiano RonaldoWe lived in a 🐐🐐 era. pic.twitter.com/Drks3pLXOB
— Squawka (@Squawka) April 15, 2023
گۆڵەكانی دۆن لە 495 گۆڵدا وەستاوە دوای ئەوەی لە گواستنەوەكانی زستانەدا ئەوروپای جێهێشت و پەیوەندی بە نەسڕی سعودییەوە كرد.
كریستیانۆ گرێبەستێكی لەگەل نەسڕ بۆ ماوەی دوو ساڵ و نیو واژۆ كرد بە موچەی ساڵانەی 200 ملیۆن یۆرۆ دوای هەڵوەشاندنەوەی گرێبەستەكەی لەگەڵ مانچێستەر یونایتد.
لەم وەرزەی خولی فەڕەنسیدا مێسی بەشداری لە 26 یاریدا كردووە توانیویەتی 15 گۆڵ بكات و 14 گۆڵیش درووست بكات.
