یاریگا –
ژمارەیەكی خراپ چاوەڕوانی ئانسۆ فاتی یاریزانی لاوی یانەی بارسێلۆنای ئیسپانی دەكات لە یارییەكەی ئەمڕۆیاندا بەرامبەر خیتافی.
وا بڕیارە ئەمڕۆ یەكشەممە كاتژمێر 17:15 بە كاتی كوردستان خیتافی لە یاریگای خۆیدا میوانداری بارسێلۆنا بكات، لە میانی یارییەكانی هەفتەی 29ی خولی ئیسپانیا.
یانە كەتەلۆنییەكە بە كۆكردنەوەی 72 خاڵ لە پێشەنگی ریزبەندی خولی ئیسپانیا دێت و خیتافیش بە كۆكردنەوەی 30 خاڵ لە ریزبەندی 16ی خولەكە دێت.
بەپێی زانیاریەكانی رۆژنامەی ئاس لە ئەگەری بەشداریكردنی ئانسۆ فاتی لە یارییەكەی ئەمڕۆدا ئەوا یاری ژمارە 100 لەگەڵ بارسێلۆنا ئەنجام دەدادت.
سەرچاوەكە ئەوەشی ئاشكرا كردووە لەو 99 یاریەی فاتی لەگەل یانە كەتەلۆنییەكە بەشداری كردووە تەنیا 5 یاری بەشداری تەواوی یارییەكەی كردووە.
لە 94 یاریەكەی دیكەدە یاریزانە لاوەكەی بلاوگرانا یان وەك یاریزانی یەدەگ بەشداریكردووە یانیش گۆڕانكاری پێكراوە، ئەو پێنج یارییەی تا كۆتایی بەشداری كردووە بەرامبەر یانەكانی ئۆساسۆنا و خیتافی لە لالیگا و ئیبیزا و لیگانێس لە جامی شا و ڤیكتۆریا پلزن لە چامپیۆنزلیگ بووە.
لە 99 یاریدا لەگەڵ بارسێلۆنا فاتی 26گۆڵی كردووە و 7 گۆڵیشی درووست كردووە.
