یاریگا –
ڤینیسیۆس جونیۆر و تۆنی کروس بۆ یاری گەڕانەوەی قۆناخی هەشتی چامپیۆنزلیگ لە بەرامبەر چێڵسی ئامادەن.
کارلۆ ئانچێلۆتی، راهێنەری ریال مەدرید، ئامادەیی کروس و ڤینی پشتڕاستکردەوە و دەتوانن بەشداری لە یاری گەڕانەوە بەرامبەر بلوز لە لەندەن بکەن.
کروس و ڤینی بەهۆی ماندووبوونی ماسوولکەکانیان، بەشداریان لە یاری شەوی رابردووی ریال مەدرید لە بەرامبەر کادێز نەکرد، کە یانە شاهانەکە بە ئەنجامی دوو گۆڵی بێ وەڵام یارییەکەی بردەوە. ئانچێلۆتی لەبارەی بەشدارینەکردنی هەردوو یاریزانەکە روونیکردەوە
بەهۆی کێشەیەکی بچووک، نەیانتوانی بەشداری بکەن. هەردوو یاریزانەکە بە جیا مەشقەکانی کرد، بەڵام رەنگە بۆ ئەمڕۆ بتوانن بەشداری مەشقەکان بکەنەوە و بۆ یاری داهاتووش ئامادە دەبن.
لەبارەی بردنەوەی یارییەکەی بەرامبەر کادێز، ئانچێلۆتی گوتی
زۆر دڵخۆشم بە بردنەوەکە و پابەندی یاریزانەکانیشمان بینی. لە گێمی یەکەم کەمێک سەرنجمان لەدەستدابوو، بەڵام بەشێوەیەکی زۆر باش یاریمان کرد، لە دۆخێکی سەختدا گۆڵمان کرد.
کارلۆ لەبارەی ئامادەیی یاریزانەکانی بۆ یاری داهاتوو بەرامبەر چێڵسی رایگەیاند
دۆخی جەستەیی تیمەکەم زۆر باشە و ئاستێکی بەرز پێشکەش دەکەن. کەریم بێنزێما بەشداری لە 90 خولەکی یاری رابردووی بەرامبەر چێڵسی و کادێز کرد، بۆ یاری داهاتووش بە تەواوی ئامادەیە.
سێشەممە، ریال مەدرید لە یاری گەڕانەوەی قۆناخی هەشتی چامپیۆنزلیگ، لە ستامفۆرد بریج دەبێتە میوانی چێڵسی. لەسەر ئاستی خولی ناوخۆییشدا، ریال مەدرید بە جیاوازی 10 خاڵ لە پلەی دووەمی ریزبەندەکە دێت، هەرچەندە بارسا تاوەکو ئێستا، یارییەکی کەمتر کردووە.
