کرووس نزیکە لە نوێکردنەوەی گرێبەستەکەی

یاریگا

تۆنی کرووس ناوەڕاستکاری ئەڵمانی یانەی ریال مەدریدی ئیسپانیا گرێبەستەکەی لەگەڵ یانەکەی نوێدەکاتەوە.

یاریزانەکەی یانە شاهانەکە ئەم وەرزە گرێبەستەکەی کۆتایی دێت، نیکۆلۆ چێرا رۆژنامەنوسی ئیتاڵی بڵاویکردەوە، ئەو یاریزانە ماوەیەکەلەگەڵ یانەکەی لە گفتوگۆدایە و بەم زووانە گرێبەستەکەی نوێدەکرێتەوە.

کارگێری یانەی ریال مەدرید ئەو یاریزانانەی تەمەنیان سەروو 30 ساڵیە، گرێبەستەکانیان تەنها بۆ ماوەی یەک وەرز نوێدەکەنەوە.

بەم شێوەیە تۆنی کرووس تاوەکو کۆتایی هاوینی ساڵی 2024 گرێبەستەکەی نوێدەکرێتەوە و لەگەڵ یانەی ریال مەدرید بەردەوام دەبێت.