پۆلیسی فەڕەنسا لێکۆڵینەوە لە نەیمار دەکات

یاریگا –

پۆلیسی فەرەنسا لێکۆڵینەوەی لە یارییە ئۆنلاینەکەی نەیمار داسیلڤای ئەستێرەی یانەی پاریس سانجێرمان دەستپێکرد، کە لە تۆڕی کۆمەڵایەتی تویچ ڕاستەوخۆ پەخشکرا.

پێکانە سەختەکەی نەیمار وایکرد ئەم یاریزانە تا کۆتایی ئەم وەرزە نەتوانێت یاوەری یانەکەی بکات، بۆ پڕکردنەوەی کاتە بەتاڵەکانیشی دەستیکردووە بە یاری ئۆنلاین.

ئێستا بە شێوەیەکی گشتی سەرقاڵی یەکێک لە یارییە بەناوبانگەکانی ناو تۆڕەکانی تایبەت بە قومارە و هەندێکجاریش کاتێک یاری دەکات بەشێوەی ڕاستەوخۆ پەخشی دەکات.

ئەم بابەتە سەرنجی بەرپرسانی حکومەتی فەرەنسای بەلای خۆیدا ڕاکێشاوە، هۆکاری بەهۆی ئەوەی لەگەڵ کۆمپانیایەکدا کاری کردووە، کە ئەو کۆمپانیایە لە فەرەنسا نایاساییە. لە هەمان کاتدا ڕیکلام و بانگەشەکردنی یارییەکانی گرەوکردنی ئۆنلاینیش لەم وڵاتەدا ڕێگەپێنەدراوە.

کەناڵی RMC Sport بڵاویکردووەتەوە، کە دەسەڵاتدارانی فەرەنسا ئەم بابەتەیان زۆر بە جددی وەرگرتووە و بەدواداچوون بۆ ئەو پەخشە ڕاستەوخۆیە دەکەن، کە لە پەڕەی فەرمی یاریزانەکەوە چەند هەفتەیەک لەمەوبەر کراوە.

نەیمار لەو پەخشەدا نزیکەی چەند ملیۆن کرۆنێکی دۆڕاندووە، کە دەکاتە یەک ملیۆن یۆرۆ ئەوان پێیان وایە پەخشکردنی ئەو جۆرە یارییانە زۆر مەترسیدارە.

دەسەڵاتدارانی فەرەنسا بەنیازن بیسەلمێنن، کە کارەکانی نەیمار ڕاستەوخۆ کاریگەری لەسەر بینەرە فەرەنسییەکانی هەیە، لەم حاڵەتەشدا دەتوانن سزای بدەن.

تاکە شتەک کە دۆخەکە کەمێک ئاڵۆزتر دەکات ئەوەیە، کە دیار نییە نەیمار لە فەرەنسا بووە یان بەڕازیل کاتێک ئەم یارییەی ئەنجامداوە و ڕاستەوخۆ پەخشکراوە، هەروەها لەم پەخشە ڕاستەوخۆیەدا هەرگیز بە فەڕەنسی قسەی نەکردووە.