یاریگا –
بەرواری گەڕانەوەی ئەستێرەی یانەی بارسێلۆنا عوسمان دێمبێلی ئاشکراکرا.
ساڵی 2023 ساڵێکی ناخۆش بوو بۆ عوسمان بەهۆی ئەو پێکانەی لە مانگی یەک تووشی هات بەرامبەر بە جیرۆنا، کە پێکانەکەی لە رانیدابوو،
پێشبینی دەکرا دێمبێلی بۆ یاری گەڕانەوەی یۆرۆپالیگ بەرامبەر مانچێستەر یونایتد یاری بکات، بەڵام شەش هەفتە بەسەر ئەو یارییە تێپەڕیووە و هێشتا ئامادە نییە بۆ یاریکردن.
جیا لە عوسمان بارسا لەگەڵ پێدریش تووشی هەمان بارودۆخ بووەتەوە، هەرچەندە نزیکن لە گەڕانەوە بەڵام بەهۆی تا ڕادەیەک یەکلایی بوونەوەی لالیگا یانەکە نایەوێت پەلە لە گەڕانەوەیان بکات.
لەو بارەیەوە رۆژنامەی سپۆرت بڵاویکردووەتەوە، کە دێمبێلی لە رۆژی 26ـی مانگی چوار لە یاری نێوان یانەکەی و یانەی رایۆ ڤایکانۆ دەگەرێتەوە بۆ یاریکردن.
لەم وەرزەی لالیگا پاش تێپەڕینی 28 گەڕ، بارسێلۆنا بە جیاوازی 13 خاڵ لە پێش ریال مەدریدی رکابەری پێشەنگی خولەکەی گرتووە و تەنیا 10 گەڕ دوورە لە نازناوەکە.
