یاریگا –
ریال مەدرید دەیەوێت گرێبەستی ڤینیسیۆس جونیۆر نوێبکاتەوە و بۆ ماوەیەکی درێژ لە سانتیاگۆ بێرنابیۆی بهێڵێتەوە.
پێگەی دیفێنسا سێنتڕاڵ بڵاویکردووەتەوە، فلۆرێنتینۆ پێرێز، سەرۆکی ریال مەدرید هەوڵەکانی بۆ نوێکردنەوەی گرێبەستی گەوهەرە بەرازیلییەکە دەستپێکردووە، نیازی وایە بیکاتە خاوەن بەرزترین مووچە لە لۆس بلانکۆس.
ڤینیسیۆس وەرزێکی زۆر باش پێشکەش دەکات، بە تایبەت لە یارییەکانی دوو مانگی رابردوودا، بووەتە یاریزانێکی نیمچە یەکلاکەرەوە لە پێکهاتەی کارلۆ ئانچێلۆتی.
پێگەکە دەڵێت
پێرێز باش لە بەهای گەورهەرە بەرازیلییەکە تێگەیشتووە، گفتوگۆکان دەستپێکراون، بەڵام تاوەکو ئێستا هیچ رێککەوتنێک نەکراوە.
بەگوێرەی زانیارییەکانی پێگەی دیفێنسا سێنتراڵ بێت، مووچەی ساڵانەی ڤینیسیۆس بۆ 12 ملیۆن یۆرۆ بەرزدەکرێتەوە، ئەم مووچەیە لە ریال مەدرید تەنیا بە ئیدێن هازارد دەدرێت.
ڤینیسیۆس لەم وەرزەدا 21 گۆڵی کردووە و 16 گۆڵیشی لە سەرجەم پاڵەوانیەتییەکان دروستکردووە.
