یاریگا –
رۆجەر فێدرێر، ئەفسانەی تێنسی سەر زەوی ستایشی لیۆنێل مێسی ئەفسانەی تۆپی پێ كرد و پیرۆزبایی لێكرد دوای ئەوەی پێشەنگی گۆڤاری تایم بوو وەك كاریگەرترینی ساڵی 2023.
فێدرێر سەرسامی خۆی بە ئاستی ئەفسانە ئەرجەنتینیەكە نیشاندا لە ماوەی ژیانی وەرزشیدا و بە تایبەت دوای بەدەستهێنانی نازناوی جامی جیهانی ساڵی 2022.
لێدوانەكانی فێدرێر بۆ گۆڤاری TIME: ژمارەكانی لیۆنێل مێسی لە تۆمارکردنی گۆڵ و بردنەوەكانی باوەڕپێنەکراوە، ئەوەی مێسی جیادەکاتەوە، گەورەیی بەردەوامی مێسییە بەدرێژایی چەندین ساڵ، ئەمە زۆر قورسە بەدەست بهێنرێت و دواتر پارێزگاری لێبکرێت، وەک جادوگەرێك یاریزان دەبرێت و پاسەكانی وەك کارێکی هونەری وان ، پێشبینییەکانی و جوڵەكانی لە دەرەوەی تێگەیشتندایە.
ئەفسانەكەی تێنس بەردەوام بوو گووتی: ژیانی پیشەیی من گەیشتە کۆتایی، ئێستا هەست بەو بارگرانییە دەکەم کە ئێمەی وەرزشوانان هەڵیدەگرین، بەڵام لە ژیانی رۆژانەمان و بەرامبەر بە هاندەران و هەست بەوە ناکەین، لە بارودۆخێكی یاریزانێکی وەک مێسی، بەدڵنیاییەوە بارگرانی و قورسیەكان لەسەر ئەو لە هەمووان زیاترە، چونکە نوێنەرایەتی یانەیەکی بەناوبانگی جیهانی و وڵاتێک دەکات کە زۆر خولیای تۆپی پێیە.
فێدرێر بەردەوام بوو گووتی: كاتێك منداڵ بووم ماڕادۆنا و باتێستوتا یاریزانە ئەرجەنتینیە دڵخوازەكانی من بوون، بەخت یاوەرم بوو كە ئەوانم ناسی، ئەوان ئیلهامبەخش بوون بۆم، ئێستا مێسی ئیلهامبەخشە بۆ نەوەكانی داهاتوو.
لە كۆتایشدا گووتی: تەنیا دەتوانم هیوابخوازم كە داهێنان و هونەرە ناوەزاكەی مێسی بۆ ماوەیەكی زیاتر ببینین، وەك هاندەرێك كاتێك مێسی لە یاریگادایە زۆر چاو مەتروكێنە چونكە رەنگە شتێكی سەرسوڕهێنەر لەدەست بدەیت.
Lionel Messi was named to TIME's 100 Most Influential People of 2023 and it was accompanied by this powerful tribute from Roger Federer.
The ultimate respect from one 🐐 to another 👏 pic.twitter.com/4DACdCd89q
— ESPN FC (@ESPNFC) April 13, 2023
